Первий межинародний фестиваль русинської культури пройшов на Закарпатті

У вароши над Латорицьов 14 октовбра 2012 року було покладено фундамент організаторами русинського сята (Світовов Радою Русинов, Крайовим обществом подкарпатських русинов) сятковати День русина в рамках каждорічного фестивалю русинської культури. Торжественоє откритя сього межинародного собитія було поручено ведучому програми, знаному артистови Подкарпатя Василю Фурдю. З вступмтельним словом виступили: голова Світовой Ради Русинов – Георгій Папуга, заступник голови СРР – Микола Бобинець, начальник відділу національностей та релігії – Юрій Гузинець, кандидат у депутати до Верховної Ради України – В’ячеслав Шутко. Георгій Папуга вручив перву премію СРР імені Василя Турока (памятну таблу и грошовий приз) за великий вклад в розвиток русинської культури вчителю из Свалявщини Юрію Шиповичу ,а Юрій Гузинець наградив грамотами Закарпатської державної адміністрації голову Свалявського общества подкарпатських русинов – Івана Кушніра та голову Перечинського общества подкарпатських русинов. Гостями фестивалю були: фольклорний колектив «Барвінок» из с. Камйонка (Словакія), вокальний квартет з Хорватії. Закарпатський русинський фольклор представляли : «Турянська долина» та вокальне тріо з Перечинщини, дует «Сонячне Закарпаття» з Свалявщини, фольк-кватет «Бетярі» з Мукачівщини. Ушиткі колективи були награджені бетярськими подарками от Закарпатської державної адміністрації.